Hebrews 8
Yesu vông yuac Hetplis gê lag puunê
1Kɨyang vɨhati wê xe nêl vô xam gwêbaga ge, kɨyang tige kehe nêl bêga ên nêbê Yesu ge il nêd Hetplis ▼ wê la dô vô Anutu vɨgê hɨyôv gê lag puunê. 2Om Yesu la dô lag puunê dɨ vông yuac Hetplis vac Anutu ben. Xumac sel nɨlô wê ngɨbua ge tɨxuu lec Anutu ben kɨsiinê, lêc Anutu ben kɨsiinê ge, xomxo ti o lox lêm. Nge, vɨgwe tige Apumtau vaci ben.3Hetplis vɨhati ge, Moses xolac vɨnoo he ên nêb he i loc mi tung daa dɨ si daa vô Anutu. Yesu êno kô yuac Hetplis, om Anutu nêbê i êno obêc vông daa vô i. 4Yesu obêc dô lec kɨbun ga ge od ob kô yuac Hetplis lêm. Ên xomxo kɨbun ga dô wê ob kô yuac Hetplis dɨ tung daa vô Anutu tɨyi xocbê Moses xolac nêl ge. 5He vông he yuac vac Anutu xumac lɨlo ngɨbua
gê kɨbun ga, lêc yuac wê he vông ge tɨyi xocbê kɨnu wê tɨxuu lec Anutu ben lag puunê ge. Om tɨyi xocbê kɨyang wê Anutu nêl vô Moses, vô buc wê Moses nêb ob lox xumac lɨlo sel ge. Anutu nêl vô i ên nêbê,
- “Ông xona nêm dɨ lox xumac lɨlo sel dɨ tung susu vɨhati vac i tɨyi kɨnu wê a hɨlung pyap vô ông lec kɨtôn Sainai ge.”
Kɨyang paha luu kɨyang tɨkwê wê Moses vông ge vêl
7Môp daa siên wê Moses xolac nêl lec ge obêc tɨyi wê ob kɨtya xomxo nên nipaên vêl ge od Anutu ob vông kɨyang paha vô il lêm. Lêc xolac tɨkwê ge tɨyiên ma. 8Om ilage Anutu nêl xomxo nên nipaên kɨtong ên nêbê,- “A, Apumtau, a nêl vô xam ên a nêbê obêc buc tɨmuên ge od a obêc hɨlu kɨyang paha vô xam wê kehe Islel hɨxôn xam wê kehe Yuda ge.
Copyright information for
PTP